Ég las þessa frétt/grein í dag og varð svoldið ringlaður. Ég keyri nefnilega Reykjanesbrautina “reglulega”, eða u.þ.b. 40 sinnum í mánuði og horfi beint í sólina á leiðinni til Kópavogs á morgnanna (um kl. 08:15). Þegar ég er staddur á Reykjanesbrautinni í nágrenni við Voga og keyri til norðurs….. hvert er ég þá að keyra?

Ég mæli með því að fólk lesi þetta með smá landfræðilega gagnrýnni hugsun (hvað sem það þýðir).

“Þegar skyggni er slæmt eða umferð lítil er töluverð hætta á að ökumenn á norðurleið telji að hin brautin, sem er þeim á vinstri hönd, sé fyrir umferð í gagnstæða átt en þeir geti ekið á tveimur akreinum. Þeir sem eru á leið suður ættu að gera sér betur grein fyrir ástandinu m.a. þar sem þeir þurfa að beygja til vinstri inn á kaflann sem um ræðir.”

Til útskýringar er meðfylgjandi gervitunglamynd. Þar sjást Vogar greinilega, Reykjanesbraut og Grindavíkurvegur einnig, en vegurinn frá Reykjanesbraut að Vogum sést frekar ógreinilega. Ég vil taka það fram að venju samkvæmt er norður upp á þessari mynd. Myndin er fengin af kortavef Google.

Næsti pistill verður líklega um auglýsingu Lýsingar þar sem vitnað er í fjármálastjóra Arnarfells.

kv.
E.

ps. Gerðir ÞÚ virkilega ekkert um páskana? Lest ÞÚ engar bækur eða sérð bíómyndir? Átt ÞÚ þér ekkert uppáhalds rauðvín?
Deildu skoðun þinni með restinni af heiminum.