Fyrir þá sem muna eftir Bergþóru Árnadóttur söngkonu og/eða hafa gaman af Jónasi Sigurðssyni tónlistarmanni, gjörið svo vel:

Kv.
E.

Mér skilst á mér fróðari mönnum (og konum) að ég hafi f***að upp síðustu gátu.

 Í sárabætur kemur hér ein óformleg.

Spurt er um hljómsveit og lag. Einu vísbendingarnar eru textabrot sem ég snara yfir á íslensku (án þess að velta fyrir mér samhenginu… bara orðaþýðing í gangi hér). Ég ætla ekki að gefa upp úr hvaða tungumáli þetta er þýtt.

1. vísbending:

komdu með mér
inní trén
við munum liggja í grasinu
og láta tímann líða

Reynið þetta án þess að gúgla

kv.
E.

ps. (trén eða tréin… ég er ekki nógu góður í móðurmálinu til að vita hvort er rétt)

Þetta gengur frekar hægt… eru sumarfríin ekki örugglega búin?

Höfundurinn, kántrý-kallinn er einn sá þekktasti í sínum geira frá upphafi! Need I say more? Söngvarinn hefur komið við sögu áður í getraununum… núna er ég búinn að segja of mikið.

Kv.
E.

Ef mér skjátlast ekki, þá hefur Maggi Eiríks samið lag sem fjallar um svipaða hluti. Lag Magnúsar tók þátt í forkeppni Evróvisjón hér heima á klakanum, Ellen Kristjánsdóttir söng. Söngvari erlenda lagsins er líklega um sextugt (hef þó ekki kynnt mér það mjög nákvæmlega). Höfundur erlenda lagsins gerði lagið frægt sjálfur, en hann lést fyrir ekki svo löngu síðan.

 kv.
E.

Ég ætla bara að “hugsa upphátt” til að byrja með. Ég er að leita að lagi og höfundi þess. Ég heyrði það um daginn í flutningi höfundarins og söngvara sem er heimsfrægur. Hann á aðeins minna fræga söng-eiginkonu. Höfundurinn er þekktur á meðal kántrý-unnenda, jafnvel aðeins útfyrir þann hóp. Mig grunar að bæði höfundurinn og söngvarinn séu amerískir.

Ef mér dettur fleira í hug varðandi þetta, skal ég tjá mig um það hér.

kv.
E

Heilir og sælir aðdáendur góðir  

Lagið var að sjálfsögðu Going Home: Theme of Local Hero. Höfundurinn er Mark Knopfler.
Ef þið vitið ekki hver Mark Knopfler er, prófið þá að leita að upplýsingum á Google (ég prófaði að leita að “Mark Knopfler” og fékk 1.230.000 niðurstöður á 0,07 sekúndum).

Gömp og fjölskylda þáðu matarboð að launum fyrir vasklega frammistöðu í getraununum. Ég þakka þeim skemmtilegt kvöld.

—–

Yfir í annað.
Þetta blogg-kerfi er ágætt, en svoldið fyndið líka. Það sem ég á við, er að það er að hluta til á íslensku. Ég geri ekki ráð fyrir að einhver sitji sveittur við þýðingar, heldur er líklega verið að nýta forrit til þess. Dæmi um þetta er að á hnöppum stóð áður [Save and continue editing] [Save] [Publish] en núna stendur [Vista og breyta áfram] [Vista] [Publish].  Í staðin fyrir “comments” stendur “ummæli” og hvað stendur í staðin fyrir “spam comments”? Jú auðvitað “kæfu ummæli”.

—–

Enn annað og ekki síður mikilvægt.
Ég hef verið frekar lélegur að skrifa hérna undanfarið. Ástæðan er sú að það er gjörsamlega allt búið að vera á hvolfi síðustu vikurnar. Við fjölskyldan vorum að kaupa okkur hús í Keflavík. Reyndar í næstu götu við gömp og fjölskyldu. Ég er líka búinn að vera á kafi í atvinnuleit. Ég gat ekki ímyndað mér að það gæti verið svona mikið að gera í þeim bransa, endalaus viðtöl og vesen.

Jæja, hættur að blaðra í bili
kv.
E.

Spurt er um lag og höfund þess.

Lagið kom upphaflega út í kvikmynd sem gerðist á Bretlandseyjum (ef ég man rétt).
Það er “instrumental”, þ.e. leikið án söngs.
Höfundurinn er þó söngvari í hljómsveit sem margoft hefur leikið lagið.
Lagið hefur verið leikið af öðrum hljómsveitum, þar má helst nefna The Shadows.
Höfundurinn hefur samið mikið af tónlist, bæði fyrir hljómsveit sína, aðra tónlistarmenn, ýmsar kvikmyndir og svo hefur gefið út a.m.k. 4 sólóplötur.
Ýmsir þekktir tólistarmennirnir hafa flutt lög eftir höfundinn og enn fleiri sungið með honum. Þar má nefna Bob Dylan, Tinu Turner, Jeff Healey og Sting sem dæmi.
Í mínum huga er lagið sem spurt er um, það lag sem ég hlusta á þegar ég fagna einhverju. Mér finnst það túlka betur sigurtilfinningu heldur en lög á borð við “We are the champions”.
Saxófónn er í aðalhlutverki í upprunalegu útgáfu lagsins. The Shadows spila það þó að sjálfsögðu með gítar í aðalhlutverki.
Höfundurinn og Hank B. Marvin (Shadows nr. 1) hafa leikið lagið saman á tónleikum.

Oftast hef ég þurft að googla heilmikið við gerð þessara getrauna, en það eina sem ég þurfti að “googla” við gerð þessarar getraunar var nafnið á Jeff Healey. Var alveg búinn að steingleyma nafninu hans. Annað vissi ég að sjálfsögðu. Mér finnst líka að þetta lag eigi að vera partur af grunnnámi grunnskólabarna. Svo ætti að spila það á öllum hátíðisdögum allra landa og á öllum stærri viðburðum, s.s. ólympíuleikum og heimsmeistaramótum. Ahhh kannski ekki, þá fengi maður bara leið á því (NOT).

Það koma ekki fleiri vísbendingar við þessa getraun (enda eiga allir að þekkja þetta lag), sem jafnframt er sú síðasta í röðinni í bili. Ég á eflaust eftir að henda einni og einni aukagetraun inn af og til.
Það er löngu orðið ljóst að gömp og co hafa staðið sig best í þessum leik sem ég hef haft mjög gaman af að gera. Ef þau ná þessu (sem þau eiga að geta), þá er þeim boðið til kvöldverðar (ásamt fjölskyldu sinni) næstkomandi laugardag. Ef þau sjá sér ekki fært að mæta þá, mega þau koma með tillögu að annarri dagsetningu.´

Hvert er lagið og hver er höfundur þess?

kv.
E.

Kannski tekur það bara augnablik fyrir mig að hugsa, en á meðan ég hugsa upp nýja getraun langar mig að biðja aðdáendur mína að klára þennan texta fyrir mig:

Oh, we’re sinking like stones,
All that we fought for
All those places we’ve gone,
All of us are done for.

Þetta jafnast ekki alveg á við getraun, en ég er enn að dikta upp nýja slíka. Helgin fór fyrir lítið, tók tölvuna ekki úr töskunni allan tímann.

kv.
E.

Hannes reddaði málunum og kom með svar við getraun nr. 8. Að sjálfsögðu var spurt um lagið Sekur um glæp með hljómsveitinni Start. Fyrir þá sem ekki vita, þá var söngvari þeirrar hljómsveitar enginn annar en Eiríkur Hauksson. (Enn eitt dæmið um hæfileikaríkt rauðhært fólk).

—– Getraun nr. 9 —–

Á millitímabili sem myndaðist milli pönk-tímabils og 80’s tónlistar, urðu nokkrar áhugaverðar hljómsveitir vinsælar. Spurt er um lag + plötu einnar þeirrar. Tónlistin er flokkuð sem “nýbylgjutónlist”.

Söngvarinn kom oft fram mikið málaður og í búningum.
Hljómsveitin hlaut grammyverðlaun sem “best new artist” í upphafi 9. áratugarins, sama ár leysti söngvarinn hljómsveitina upp og hóf sólóferil.
Heiti hljómsveitarinnar var orðaleikur sem tengdist nafni söngvarans.

Fyrir þá sem muna eftir Skonrok(k) þáttunum, þá hófst myndband lagsins á því að hetjan (söngvarinn) stökk niður úr tré til þess að ræna hestvagn sem átti leið hjá. Myndbandið er til á youtube.

Í viðlaginu er sagt (í lauslegri þýðingu): “stans, peningana eða lífið”.

Þegar lagið kom út, hirti það toppsætið af bucks fizz (making your mind up) í bretlandi og var þar í 4. vikur samfleytt. Önnur lög sem náðu á toppinn þetta ár voru t.d. “One day in your life” m. Michael Jackson, “Green Door” m. Shakin’ Stevens, “Tainted love” m. Soft Cell og “Under Pressure” með Queen og David Bowie.

Annað lag með sömu hljómsveit náði líka á toppinn þetta sama ár.

Jón Ægisson heitinn hafði á tímabili sérstakt dálæti á þessari tónlist. Ég man ekki betur en að hann hafi átt vinyl-plötuna sem þetta lag er á.
Á umslagi plötunnar er mynd af söngvaranum stífmáluðum í búning sem væri flottur í leikhúsum eða á öskudaginn.

Platan var gefin út í nóvember árið 1981 og var 2. platan af þremur stúdíóplötum sem hljómsveitin gaf út.

Hvað heitir lagið, platan og hljómsveitin?

kv.
E.

ps. Þetta er næstsíðasta getraunin, nema ég verði sérstaklega beðinn um að halda áfram.

Eitthvað virðist áhuginn fyrir þessum getraunum mínum hafa dalað. En hvað um það, vísbending v. getraunar númer 8. er þessi:

Hljómsveitin Jonee Jonee flutti lag sem fjallaði um sama hugtak og lagið sem spurt er um.

Getraunirnar verða ekki fleiri en 10 nema áhugi á áframhaldi verði mjög augljós.

kv.
E.