Dire Straits-síðan er smátt og smátt að taka á sig mynd, það gengur hægt, en ögugglega og að lokum verður þetta eflaust eðal síða um eðal hljómsveit. Í framhaldinu get ég hugsað mér að gera slíkar um aðrar hljómsveitir, rithöfunda eða stakar bækur.

Það ætlar að ganga hægt hjá mér að koma þessu bloggi af stað. Ég hef verið á kafi undanfarið, á námskeiðum, fundasetum og jafnvel stundum í vinnu. Undanfarið hef ég líka verið að lesa “Skrefi á eftir” sem er merkilega ánetjandi bók. Hún er rúmar 600 síður, en þegar spennunni er haldið þokkalega við, þá er blaðsíðufjöldinn algjört aukaatriði.

 Ég hafði hugsað mér að setja upp sér síður hérna fyrir áhugamálin mín. Fyrsta tilraunin er síða sem heitir Dire Straits og ég kem til með að bæta við hana smátt og smátt, eins er ætlunin að setja upp fleiri sambærilegar síður um aðrar hljómsveitir, rithöfunda eða eitthvað annað sem ég hef gaman af. Öllum er frálst að setja inn athugasemdir/comment þar sem það er hægt. Ég hef bara gaman af því. Ég vonast eftir að geta komið þessu betur af stað næstu daga eða vikur. Vonandi næ ég svipaðri “aðsókn” og með eldri blog-síðuna sem var farin að fá u.þ.b. 400 heimsóknir á mánuði, stundum allt að 30 heimsóknir á dag, sem mér finnst talsvert mikið og er frekar montinn með. Það gengur bara ef ég skrifa eitthvað af viti, þá er bara að bretta upp ermarnar og virkja sköpunarkraftinn

Ég er búinn að gefast uppá www.myblog.is. Eftir að hafa sent þeim fyrirspurnir á þess að hafa fengið nokkur svör, ákvað ég að herma eftir Lindu Ársæls og nota wordpress.com í staðinn. Það er farið að safnast upp í kollinum á mér efni til að skrifa um og svo þarf ég líka að fara að leita að tenglunum sem ég var með á www.myblog.is/ellipe. Ég vona að þið sýnið mér þolinmæði, því þetta er allt að koma og verður bara meira spennandi mjög bráðlega.